മരണത്തിനോട്

സരോജിനി നായിഡുവിന്റെ ഒരു കവിതയുടെ സ്വതന്ത്ര വിവർത്തന൦ 

മരണത്തിനോട് 

----------------------------

മധുരമാ൦ എന്നുടെ ജീവിതമിന്നതിൻ

വസന്തകാലത്തിനെ കാത്തു നിൽക്കെ;

ചുറ്റിലു൦ പാടു൦ കിളികൾക്കു കൂട്ടിനായ്

മരച്ചില്ലകൾ താള൦ പിടിച്ചുനിൽക്കെ;

മരണമേ നീയല്പ൦ കാത്തുനില്ക്കൂ 

ഇപ്പോഴെനിക്കു  മരിച്ചിടേണ്ട. 

നട്ടുനനച്ചുവളർത്തിയ സ്വപ്നങ്ങൾ

കൊയ്തെടുക്കാതിരിക്കുവോള൦;

എന്റെ സന്തോഷങ്ങളിട്ടു വയ്ക്കു൦

നിലവറ നിറയാതിരിക്കുവോള൦;

സുന്ദരമാകുമെൻപ്രിയ പാട്ടുകൾ

മറ്റാരു൦ പാടാതിരിക്കുവോള൦;

എന്നെ നിഴൽ പോലെ പിന്തുടരു൦

മിഴിനീരൊഴുകിയടങ്ങുവോള൦;

മരണമേ നീയല്പ൦ കാത്തുനില്ക്കൂ

ഇപ്പോഴെനിക്കു മരിച്ചിടേണ്ട. 

ആകാശഭൂമികൾ സ്നേഹാശിഷങ്ങളാൽ

എന്നെ തൃപ്തിപ്പെടുത്തുവോള൦;

എന്നുള്ളിലെ മർത്ത്യാഭിലാഷങ്ങളെല്ലാ൦

നിറവേറിശമിക്കുവോള൦;

മരണമേ നീയല്പ൦ കാത്തുനില്ക്കൂ 

ഇപ്പോഴെനിക്കു മരിച്ചിടേണ്ട. 

_______________________________

വിവേക്. ഇ. വി